هون تدريب 1:1 مع مجرم التسويق محمد العارضة اللي بيشتغل معك ليوصلك لقمة النجاح مش مجرد تدريب! هاي جلسات لايف بتحللك كل مشاكل التسويق الإلكتروني، بنفتح حساباتك وبنشتغل عليها مع بعض خطوة بخطوة حتى تشوف النتائج بنفسك
كتير من الناس بيدخلوا كورسات عامة أو بياخدوا استشارات قصيرة، بس ولا مرة بيحصلوا على الاهتمام الشخصي اللي بيحتاجوه فعلاً.
هون بييجي دوري أنا، معي القصة غير!
إنت مش عم تتدرب مع أي حدا؛ إنت بتتدرب مع مدرب تسويق إلكتروني محترف. بعرف كل زوايا السوشيال ميديا واستراتيجيات التسويق اللي بتوصل البزنس للقمة.
ما في عندي حل جاهز لكل الناس. بنقعد، بنفتح صفحاتك سواء كانت على السوشيال ميديا أو موقعك الإلكتروني، وبنفحص وين المشكلة بالضبط، وبنعالجها بشكل فوري.
بدل ما أقلك "اعمل هيك"، بنقعد سوا ونطبق الحلول خطوة بخطوة. بتتعلم وبتطبق بنفس الوقت، وبتشوف التغييرات الفورية
عكس الكورسات المسجلة، هون في مجال تسأل عن أي شي يخطر ببالك أو يوقف طريقك، وأنا بجاوبك مباشرة.
هالجلسات بتعتمد بشكل كامل على احتياجاتك وأهدافك التسويقية. ما في نمط ثابت؛ كل شخص بياخد الجلسة اللي بتناسبه. خليني أوضحلك كيف بتكون الخطوات:
بنبدأ بتحليل وضعك الحالي سواء كنت عم تشتغل على سوشيال ميديا أو عندك موقع إلكتروني. بنشوف: كيف صفحاتك عم تشتغل؟ هل استراتيجيتك الإعلانية فعالة؟ شو نوع التفاعل اللي عم بتحصل عليه؟ كتير منافسين بيعطوك نصايح سطحية، بس إحنا بنغوص بالتفاصيل عشان نعرف وين الثغرات.
خطة التسويق اللي بنبنيها مش زي باقي الخطط العامة اللي بتلاقيها بكل مكان. بنصمم خطة بناءً على احتياجاتك وتحدياتك الحالية: إذا كنت صاحب بزنس صغير: بنعلمك كيف تستهدف جمهورك وتبني حملات تسويقية مدروسة. إذا كنت عندك متجر إلكتروني: بنشتغل على تحسين استراتيجيتك لجلب عملاء جدد ورفع نسبة المبيعات
هون بتيجي الميزة الأهم. بنفتح حساباتك مع بعض وبنعمل التالي : بنشتغل على المحتوى: شو لازم تنشر؟ شو نوع البوستات اللي بتشد جمهورك؟ وكيف تصيغ رسائلك التسويقية بشكل يخليك تتميز؟ بنحلل الحملات الإعلانية: إذا عندك إعلانات ما عم تعطي نتائج، بنحللها سوا ونعرف شو اللي ناقص عشان نحقق أكبر عائد من الاستثمار.
محمد العارضة ، باحث دكتوراه في التسويق الرقمي خبير ومدرب في التسويق الالكتروني ، مستشار تسويق رقمي ، وصاحب خبرة تزيد عن 9 سنوات في المجال
كتير من المدربين بيعطوك أفكار عامة وبتركوك تدبر حالك. لكن معي، كل سؤال عندك بنجاوب عليه مباشرة، وكل مشكلة بتظهر بنحلها على طول. التدريب معي هو عبارة عن تطبيق فوري لحلولك التسويقية.
المنافسين بيقعوا بالغلط إنهم بيحكوا كتير وبيتركوا العميل يتخبط لحاله. لكن أنا بضمن إنك تطبق كل خطوة خلال الجلسة نفسها.
التسويق مش وقفة واحدة. إحنا بنتابع ونشوف كيف نتائجك عم تتغير، وبنعمل تحسينات مستمرة. مش بس بخلص التدريب وخلاص، بنظل على تواصل لضمان إنك شايف تقدم مستمر.
كتير من المنافسين بيدربوا الناس عن بُعد من خلال نظريات وتسليم نصائح بدون تطبيق. هاي الطريقة دايمًا بتترك العملاء بدون تقدم فعلي.
المنافسين غالبًا بيقدموك حلول عامة وبيعاملوك زي أي عميل تاني. وهذا أكبر غلط.
المدربين الآخرين عادةً بيعطوك جلسة وبيخلصوا، وما بيدعموك خلال التطبيق.
إذا بدك تنتقل بتسويقك للمستوى اللي عم تحلم فيه، وبدك تشتغل مع مدرب تسويق مش زي أي حدا تاني، أنا جاهز إلك.