المدونة
ما هي التطبيقات التابعة لشركة ميتا 2025|دليلك لاحتراف منصة ميتا
ما هي التطبيقات التابعة لشركة ميتا؟ هل شركة ميتا للاعلانات فقط؟ ما هي تطبيقات فيسبوك الجديدة؟ كيف أعمل حملات إعلانية ممولة احترافية؟ ايش الفرق بين مدير الإعلانات ومدير الأعمال؟ كيف أتفادى تقييد حسابي الإعلاني؟ وغيرها كتير أسئلة بتسألوها يوميا، حنقدم إجابتها في سلسلة كورس احتراف التسويق عبر فيسبوك وانستجرام.
الكورس اللي حيخليك تكون مجرم تسويق! بعد هاد الكورس راح تحترف التسويق عبر منصات ميتا الثلاثة فيس بوك، إنستجرام، واتساب.
ولكن اليوم ضروري تعرف بدايات النجاح على السوششيال ميديا، تقدر تقول إننا في السطور القادمة حنقدملك خطوة البداية لفهم خوارزميات ميتا فيرس وتجهيزك لخطوة التسويق والإعلانات الممولة للبيزنس تبعك بنفسك، بس امشي معي درس درس!
جاهز نبدأ، ما هي التطبيقات التابعة لشركة ميتا ؟
ماهي شركة ميتا Metaverse؟
قبل معرفة ما هي التطبيقات التابعة لشركة ميتا؟ ضروري نتعرف على نبذة عن شركة ميتا للاعلانات، هي ياصديقي الشركة المالكة لتطبيق فيسبوك الشهير لصاحبها مارك زوكربيرج. وهي شركة تعتمد على تقنيات الواقع الافتراضي والواقع المعزز، ما عليك من هاي التقنيات الآن،
لكن ما معنى Metaverse؟
ميتافيرس Metaverse ببساطة تعني ما وراء العالم الافتراضي! وهذه إشارة واضحة وصريحة من مارك مالك شركة ميتا بأنه بده يخليك تتفاعل مع بنية كاملة من وراء شاشتك ويعرف تفاصيل حياتك مش مجرد وقت تقضيه على حسابات التواصل الاجتماعي.
إذا، السؤال هون ما هي التطبيقات التابعة لشركة ميتا اللي حيعتمد عليها أي بيزنس تجاري ؟؟!
قد يهمك : ادارة حسابات مواقع التواصل الاجتماعي: تحليل حسابك والتجسس على المنافسين
ما هي التطبيقات التابعة لشركة ميتافيرس 2025 ؟
طبعا متل المعروف أنت وزبونك بتستخدمو تطبيقات ميتافرس كل يوم بدون ما تشعرو! طيب ما هي التطبيقات التابعة لشركة ميتا الي تستخدمها يوميا سواء في حياتك الشخصية أو نشاطك التجاري:
تطبيق الواتساب من شركة ميتا
تطبيق واتساب من أكثر تطبيقات منصة ميتا المستخدمة في المراسلات اليومية، وما راح نهمل دوره في إدارة البيزنس التجاري، كيف ؟
- في البداية بدي تعرف أن تطبيق واتساب مقسم إلى نوعين، وهما:
- واتساب ماسنجر: وهو تطبيق المراسلات القديم اللي كلنا بنعرفه.
- واتساب بيزنس: بهاد التطبيق طورت شركة ميتا واتساب ماسنجر إلى واتساب بيزنس لنقدر من خلاله ندير النشاط التجاري كلو.
هون راح تسألني ايش الفايدة من واتساب بيزنس؟ ما بزبط استخدم واتساب العادي؟
- أهم خاصية في واتساب بيزنس هي إمكانية ربطه مع صفحة الفيسبوك والانستجرام، وبالتالي بتقدر تستقبل الرسائل من العملاء بسهولة، والبقاء على تواصل معهم أطول وقت ممكن.
- من خلال واتساب بيزنس نقدر نصنف قائمة العملاء اللي بتواصلو معنا، وبالتالي سهولة الرجوع إليهم في أي وقت لعرض الصفقات التسويقية عليهم وما شابه.
- فيك تثبت زر الواتساب أعلى صفحاتك أو على الموقع الإلكتروني تبعك، وبالتالي الحصول على زيارات أو ترافيك بأكبر قدر ممكن.
- تقدر تعمل حملات إعلانية ممولة تستهدف تطبيق واتساب، اللي بضمنلك فيها تحقيق نسبة مبيعات خرافيةن وهاي الأمور وضحتها عملي في كورس احتراف التسوق عبر فيسبوك وانستجرام مسجل معك مدى الحياة، لا تفوتها.
- واللي خلى الأمر بروفيشنال أكتر، إنه مع تحدثيات فيس بوك تم إضافة ميزة مهمة جدا وهي إمكانية إضافة أكثر من رقم واتساب في نفس الحملة الإعلانية !
طيب يامحمد ايش الفايدة من هاي الميزة ؟؟
من خلالها نقدر نوسع دايرة شغلنا ونضاعف معدل المبيعات، كيف ؟
ببساطة بنخصص عدد من أرقام الواتساب بنفس الحملة اللي طالع فيها، وهادول الأرقام يكون مسئول عنها عدد من موظفين خدمة العملاء مش شخص واحد، وبالتالي استقبال أكبر كمية ممكنة من الرسائل على أرقامنا في نفس اللحظة، وبشطارتك أنت وموظفينك بتردو على العميل بسرعة في نفس لحظة إرسال الرسالة وتقنعوه بمنتجكم أو خدمتكم، وبالتالي الوصول لمبيعات جبارة!
ما تستهين بالواتساب، بقدر أقولك أنه قناة تسويقية مفروغ من قوتها وتأثيرها على معدل المبيعات بالكامل.
طيب خلص دور الواتساب؟؟
- لا، واتساب بيزنس بوفرلك إمكانية عمل رسائل رد أوتوماتيك متل الموجودة على صفحة الفيسبوك تبعك، تقدر تستخدمها في إيصال رسالة لعميلك إذا كنت غير متواجد أو مشغول.
- تقدر كمان تشترك في خدمة API، تقدر الاشتراك من خلالها لفتح الواتساب من اكتر من جهاز بسهولة.
تطبيق الفيس بوك الجديد
ما هي التطبيقات التابعة لشركة ميتا؟ الفيس بوك التطبيق الأهم بتطبيقات ميتا في حياتنا كلنا، عميلك مابيعدي يوم واحد بدون ما يستخدمه، فما هو تطبيق فيس بوك الجديد؟ وإيش الأدوات التجارية اللي بيحتوي عليها؟
الحساب الشخصي Facebook Account
حساب فيس بوك محمد العارضة | ما هي التطبيقات التابعة لشركة ميتا
الحساب الشخصي متل حساباتنا جميعا ومتل حساب زبونك أو عميلك، وهاد حسابي الشخصي محمد العارضة، كمثال بسيط عليه.
ايش نقدر نعمل من خلاله؟
- تقدر تضيف أصدقاء ومتابعين على حساب الفيسبوك الشخصي.
- تقدر تفتح شات مراسلات بينك وبين أصدقائك.
- نشر يومياتك الشخصية Facebook Posts.
- لكن للأسف ما بتقدر تعمل إعلانات احترافية للنشاط التجاري من خلاله، لأنها يمكن أن تقيد الحساب بالكامل.
صفحة الفيس بوك للنشاط التجاري الخاصة بك Facebook page
صفحة فيس بوك محمد العارضة | ما هي التطبيقات التابعة لشركة ميتا
إنشاء صفحة فيس بوك هي أول خطوة ضروري تعملها إذا عندك نشاط تجاري، أو إذا حابب تعمل إعلانات ممولة على الفيسبوك أو انستجرام، متل هاي الصفحة الخاصة بنشاطي التجاري كـ المسوق محمد العارضة، أفضل مسوق إلكتروني بفلسطين.
خلص عملنا صفحة للبيزنس تبعنا، إيش نعمل بعدها؟
هون نقدر نربط حساب الانستجرام التجاري بصفحة الفيسبوك متل ماعلمتكم بالكورس، ونديرها من مكان واحد في استوديو منشئ المحتوى Meta Business Suit اللي راح أشرحلكم ياه تفصيلي طولو بالكم.
ربط انستقرام بالفيسبوك | ما هي التطبيقات التابعة لشركة ميتا
شوفلي هاي الصورة ياصديقي، هون أنا بدي أنشر نفس المنشور هاد على صفحتي على الفيسبوك وصفحة الإنستجرام بنفس الوقت بأقل مجهود، كل اللي عملته حددت صفحاتي متل المربع الأزرق اللي موضحته أنا بالأعلى وكتبت النص والصورة ونشرته، هيك اتنشر البوست بالصفحتين بضغطة زر واحدة.
مجموعة أو جروب فيسبوك
- نقدر ننشئ جروب فيسبوك ونتحكم فيه من حسابنا الشخصي، ونقدر نربط الجروب بصفحة البيزنس الخاص بنا.
- لكن يرجى الانتباه، في المجموعة ما بنقدر نعمل إعلانات ممولة على عكس الصفحات.
- في نفس الوقت، معدل الوصول الطبيعي على المجموعة أكبر بكثير من الصفحة.
- فينا نعمل دردشة شات على المجموعة، وموضحك الخطوات بالصورة التالية.
إنشاء مجموعة داخل صفحة الفيس بوك | ما هي التطبيقات التابعة لشركة ميتا
قد يهمك : كيف أسوق منتج اون لاين باستراتيجيات فعالة
مدير إعلانات فيس بوك ADS Manager
بما انك بدك تعرف ما هي التطبيقات التابعة لشركة ميتا؟ لازم تعرف مدير إعلانات فيس بوك ADS Manager، لكن بدي منك بس تفرق بين مدير إعلانات فيس بوك ومدير أعمال الفيس بوك، فرق بينهم كمصطلح وأنا هشرحلك الفرق بينهم واستخداماتهم
جاهز ؟
واجهة مدير إعلانات فيس بوك | ما هي التطبيقات التابعة لشركة ميتا
هاي واجهة (مدير إعلانات فيس بوك)، هون المكان اللي بنعمل من خلاله الاعلانات الممولة بكل تفاصيلها سواء إنشاء أوإدارة الحملات الإعلانية أوالتعديل عليها، ومعرفة التقارير الخاصة بالحملة ككل، وغيرها من هاي القصص.
لكن قبل أي تفاصيل بدي ياك تتقن واجهة مدير إعلانات فيسبوك وأماكن ودور كل زر به.
طيب إيش مكوناته؟؟
في الصورة السابقة بتوضحلك كل زر في واجهة مدير الإعلانات بالأرقام:
- زر إنشاء: من خلاله يتم إنشاء الحملات الإعلانية المستهدفة، وهاي قصة طويلة حشرحهالك بأمثلة عملية. المهم هون تعرف إنك إذا بدك تطلع بحملة إعلانية بتطلع فيها من هاد الزر.
- تكرار: زر بتستخدمه في حال كان عندك حملة إعلانية ناجحة بالفعل وبدك تكررها.
- الحملات الإعلانية: زر يندرج تحته كل شيء من مجموعة إعلانية وإعلانات، يعني زر الحملة ككل.
- المجموعة الإعلانية: زر المجموعة التابعة الموجودة داخل الحملة الإعلانية الكبرى، طيب إيش أعمل فيها هاي المجموعة الإعلانية؟؟!
من خلالها بتقدر تختار:- توقيت الحملة: امتى بدك تطلع فيه وامتى بدك توقفها.
- ميزانية الحملة الإعلانية: كم شيكل أو كم دولار بدك تصرف على هاي الحملة، وبدك ميزانية يومية محددة ولا بس بدك ميزانية واحدة للحملة، يعني بدك مارك يصرف على كيفه ولا لا.
- استهداف الجمهور: هون بتحدد بدك إعلانك يطلع لمن؟ شو مين بيهمك تبيعله منتجك أو خدمتك، وهاي بعلمك ياها بالتفصيل الممل.
- الإعلانات: هون الإعلان نفسه، خلصنا من شغلات الميزانية والاستهداف بدنا نعمل الإعلان هون اللي حيظهر للجمهور، نقدر نكتب المحتوى أو النص الإعلاني AD Copy وباقي صور وتفاصيل الإعلان.
- التقارير: هون بحر ياصديقي ما بخبي عليك، هاد الزر راح يوخذ منا شرح معمق لتقدر تحلل إعلانك وصفحتك بالكامل. بس اعرفلي أنه هاد الزر من خلاله نقدر نحلل اأداء الحملة وننشئ تقرير كامل بكل تفاصيل الحملة الإعلانية، فإذا كنت مسوق إلكتروني حتفيدك بالمتابعة مع عميلك.
خلص تعرفنا على ما هي التطبيقات التابعة لشركة ميتا؟ وواجهة مدير الإعلانات صح ؟ حتسألني حالا طيب يامحمد كيف أنشأ مدير الاعلانات؟ وكيف أوصله؟!
شرحتلك بالتفصيل في مقال منفصل حتى ما تتخربش، ارجعله مقال مدير الأعمال على الموقع.
مدير أعمال فيس بوك Business Manager
ما هي التطبيقات التابعة لشركة ميتا؟ خليني احكيلك قولًا واحدًا لا يصح أن تكون مسوق احترافي بدون معرفة الفرق بين (مدير الإعلانات) اللي شرحتلك ياه و(مدير الأعمال)، لهيك ركزلي في هاي الصورة لتقدر تتعرف على مدير الأعمال بدون خربشة.
مقدمة إلى مدير الإعلانات على فيسبوك | ما هي التطبيقات التابعة لشركة ميتا
مدير أعمال فيس بوك من تطبيقات فيسبوك الجديدة وهو ببساطة مدير لكل النشاط التجاري وبتكون صفحاتك وحسباتك مملوكة بما فيهم مدير الإعلانات اللي شرحتلك ياه حسب تحديثات فيس بوك.
نرجع للمهم، من نفس مدير الأعمال الرئيسي بيتم إضافة كل صفحات الفيس بوك والانستجرام مهما كان عددها، وعمل حسابات إعلانية لكل نشاط تجاري تديره، وبالتالي تقدر تتحكم بكامل الإعلانات الممولة والبيزنس الخاص بك.
طيب إيش أهمية مدير أعمال فيسبوك؟ بيفيدني في إيش؟؟
من خلاله بيتم إنشاء حساب إعلاني تابع لمدير الأعمال، نقدر نستخدمه في مدير الإعلانات ونطلع بحملات احترافية بدون تقييد لحسابك الشخصي نفسه.
الرائع أنك هون فيك تعمل أكثر من حساب إعلاني، وبالتالي تتفادى مشكلة تقييد الحسابات الإعلانية لا قدر الله.
كمان بيتم إضافة أشخاص أخرى على نفس مدير الأعمال الخاص بك، وإعطائهم صلاحيات محددة للوصول لإعلاناتك وصفحاتك، إيش بتفيد؟؟
بتفيد جدا، هاي ميزة مهمة جدا في حالتين:
- إذا كنت مسوق إلكتروني، أو شركة تسويق إلكتروني كاملة، بتقدر تعمل إدارة لصفحات عملائك بالكامل من مكان واحد.
- إذا كان عندك نشاط تجاري وبدك توظف مسوق إلكتروني محترف، لكن في نفس الوقت بدك تقيم عمله وتعرف كل خطوة بعملها في حساباتك أول بأول وإيش النتائج اللي بوصلها
وأهم اشي على الإطلاق، هو انك من خلال مدير الاعمال بتطبيقات شركة ميتا تقدر تحافظ على ملكية صفحاتك، وهاي الخاصية مهمة جدا.
على سبيل المثال إذا تم سرقة حسابك الشخصي أو حدثت مشكلة تمنعك من تسجيل الدخول لحساب فيس بوك، مش من الطبيعي تضيع صفحات نشاطك التجاري وما بتقدر توصلها؟ كمان بتضيع كامل المجهود والمصاري المنفوقة عليها؟!
لكن إذا عندك مدير أعمال تستطيع الحفاظ على صفحاتك، وإثبات ملكيتك لها، وهيك ما بتتسرق أبدا وما بتضيع مجهودك
شو رأيك ما بيستاهل تحترف مدير الأعمال بتطبيقات فيسبوك الجديدة ؟؟!
مدير أعمال فيس بوك | ما هي التطبيقات التابعة لشركة ميتا
خلص عرفنا ما هي التطبيقات التابعة لشركة ميتا؟ وأهمة مدير أعمال فيسبوك وأنه هو المتحكم الأساسي في كل النشاط التجاري.
بدي ياك كمان تعرف واجهة مدير الأعمال على السريع ، هاي واجهة مدير الأعمال بتقدر من خلاله:
- نقدر نضيف بطاقة الدفع الخاصة بنا، وندير كل عمليات الدفع وكافة رسوم الإعلانات.
- الحسابات الإعلانية يتم إنشائها في مدير الأعمال، وتقدر تنشئ عدد كبير من الحسابات الإعلانية، وليس فقط مجرد حساب واحد يتقيد في أي وقت ويوقف البزنس كلو.
- نقدر نضيف صفحاتنا من خلاله، وندييرها من مكان واحد.
- فيك تضيف مسئولين للصفحات، وتخصيص أدوار ومهام كل شخص فيهم.
لكن صدقا هاد بحر ما بكفي شرح في هاد الدرس، شرحتلك كل أسرار مدير الأعمال اللي ما بيعرفها المسوقين المحترفين وأكبر شركات التسويق في مقال منفصل فيك تحترفها وتطلع عليها.
ميتا بيزنس سوت Meta Business Suit
ما هي التطبيقات التابعة لشركة ميتا؟ ميتا بيزنس سوت من أقوي تطبيقات فيسبوك بلا منازع، كيف ؟
- تقدر من خلاله تنشر منشوراتك على صفحة الفيسبوك والانستجرام معا بضغطة زر.
- تقدر تجدول المنشورات طبقا لخطة المحتوى الخاصة بالبيزنس تبعك، عن طريق أداة التخطيط اللي بتعتمد على خوارزميات ميتا فيرس.
أداة تخطيط ميتا بيزنس سوت | ما هي التطبيقات التابعة لشركة ميتا
- كل تحليلات إدارة حسابات مواقع التواصل الاجتماعي تتم من خلال ميتا بيزنس سوت، شرحناها قبل فيك تطلع عليها، حسب بيكسل ميتا Meta.
- التجسس على المنافسين بيتم من خلال ميتا بيزنس سوت.
- معرفة تخطيط الجمهور بالكامل ورسم تخيل لجمهورك المستهدف Buyer Persona بيتم من خلال ميتا بيزنس سوت.
- تقدر توخذ قائمة كاملة من الـ Leads اللي تحولهم لعملاء دائمين، لأن ميتا بيزنس سوت بتزودك يوميا بقايمة جديدة بناء على الجمهور المهتم اللي دخل لصفحتك أو تفاعل مع محتواك.
ودير بالك هون بيقدملك جمهور بيور pure أقرب لإتخاذ قرار الشراء منك! - شرحنا ميتا بيزنس سوت بالفعل بالكامل بأدق التفاصيل في مقال ميتا بيزنس سوت، فيك تتعرف عليه إذا بدك.
تطبيق ثريدز الجديد
ما هي التطبيقات التابعة لشركة ميتا؟ منصة ميتا أطلقت تطبيق ثريدز الجديد اللي عمل ضجة كبيرة في آخر فترة، وهاد التطبيق يشبه أو يكاد يكون مطابق لتطبيق تويتر اللي بنعرفه.
لكن تصميم تطبيق ثريدز الجديد من الداخل، يشبه تطبيق انستجرام المملوك لمنصة ميتا، حتى الدخول على منصة ثريدز بكون من خلال اسم المستخدم الموجود على تطبيق إنستقرام.
شرحتلك هون مقارنة كاملة بين ثريدز وتويتر، فيك تتعرف عليها من هون ( كل ما تريد معرفته عن تطبيق ثريد المنافس الشرس لتويتر)
تطبيق ميتا انستجرام Instgram
ما هي التطبيقات التابعة لشركة ميتا؟ تطبيق إنستجرام من تطبيقات ميتا الأساسية لأي نشاط تجاري، إذا ما عند حساب انستجرام للبيزنس تبعك صدقني راح تضيع عليك فرص كتير.
خليني اشرحلك بالبداية أنواع حسابات انستقرام، بينقسم إلى 3 أقسام:
- حساب انستجرام شخصي: الحساب اللي من خلاله بتنشر المحتوى وبتشاركه مع أصدقائك، بمعنى هو الحساب اللي بيصلح للاستخدام الشخصي فقط وما بتقدر تعمل أي إعلانات ممولة من خلاله.
- حساب إنستجرام للأعمال Business : إذا كان لديك نشاط تجاري، ضروري تحول حسابك الشخصي إلى حساب انستجرام بيزنس لتقدر تطلع بالإعلانات الممولة.
- حساب إنستجرام منشئ محتوى Creator: إذا كنت صانع محتوى، ضروري تحول حسابك الشخصي إلى حساب منشئ المحتوى.
طيب إيش الفرق بينهم؟؟
عملتلك مقارنة بسيطة بينهم دايما بشرحها لطلابي في كورس احتراف التسوق عبر فيسبوك وانستجرام :
تطبيقات منصة ميتا | ما هي التطبيقات التابعة لشركة ميتا
ببساطة الحسابين منهم بيعملو نفس المهام، ولكن مع اختلافات بسيطة، شوفلي الصورة هاي:
- الحساب البيزنس أو حساب إنستجرام للأعمال فيك من خلاله تعمل متجر، ولكن حساب منشئ المحتوى ما بتقدر.
- حساب البيزنس فيك من خلاله تعمل تارجت استهداف دقيق، ولكن حساب منشئ المحتوى ما بتقدر.
- حساب انستقرام للأعمال تستطيع ربطه مع تطبيقات الفيس بوك، لكن حساب انستجرام منشئ المحتوى ما بتقدر.
- باقي مميزات حسابات انستجرام موجودة في الحسابين متل بعض.
الأسئلة الشائعة حول ما هي التطبيقات التابعة لشركة ميتا؟
من هو مالك شركة ميتا؟
مارك زوكربيرج هو مالك شركة ميتا للاعلان.
أين تقع شركة ميتا فيسبوك؟
موقع شركة ميتا للاعلان، هو أمريكا، كالفورنيا، مينلو بارك.
كيف اتواصل مع شركة ميتا؟
- افتح مركز مساعدة الأعمال من ميتا Meta.
- افتح مدير الأعمال التجارية.
- اختر الاتصال بفريق الدعم.
- حتظهرلك قائمة، اختر منها الموضوع اللي بدك تستفسر عنه.
- اكتب رسالتك، وانتظر الرد عليها من قبل فريق مساعدة فيس بوك.
ما هو نظام بيكسل ميتا Meta؟
بيكسل الفيسبوك أو بيكسل ميتا Meta هو بيكسل أو رمز برمجي بتثبته على موقع الويب الخاص فيك، وبمجرد ربطه بالفيسبوك بيبدأ يقيس ماهية أي زائر يتفاعل مع إعلاناتك أو صفحاتك بشكل عام. وبعدها بيقدملك Data كاملة عن كل زائر لتقدر بعد هيك تعمله إعادة استهداف.
وضحتلك استراتيجية إعادة استهداف الجمهور بالتفصيل في مقال منفصل، اطلع عليها مقال الحملات الاعلانية.
هل تويتر تبع ميتا؟
لا، تطبيق تويتر غير تابع لشركة ميتا، مالك التطبيق هو إيلون ماسك.
كم عدد موظفين شركة ميتا؟
ميتا بلاتفورمز عندها أكثر من 58 ألف موظف، ويزداد سنويا بمعدل 30%.
ما هي التطبيقات التابعة لشركة ميتا الجديدة؟
ما هي التطبيقات التابعة لشركة ميتا؟ تطبيق ثريدز أحدث وأهم تطبيق أصدرته منصة ميتا.